-- 作者： 本有正念 -- 發表時間： 2004/09/20 04:40pm [這篇文章最後由本有正念在 2004/09/20 04:54pm 第 4 次編輯] 情竇未開 o係我第一次戀愛之前，我認為自己就係楊過。 而我同書裡面既楊過唯一唔同既地方，就係佢有一隻大鵰。 而我o個陣，就鐘意諗呢個相思多Ｄ。 同楊過一樣，我從來都冇諗過要考第一既。 我只需要愛情，只要我搵到我既小龍女，我就可以拋棄學業，退隱山林，搬入新界住。 但係我一定要住西班牙別墅，我唔住得村屋，我怕蛇蟲鼠蟻。 然後每個月至多出一次市區，不過我唔會逗留得耐，問阿媽囉完零用錢我會番番入去。 冇錯，基本上，我由中一至中五都係o係呢種咁超然既思想下度過。 當時學校最流行既辯論題目係：中學生應否談戀愛？ 我認為，我地應該辯論既係「中學生應否讀書？」 而o係我第一次戀愛之前，我既小龍女只需要有一個條件，就係靚，我知道我咁諗係好幼稚，但當時我年紀小，唔知道原來身材都好重要。 王子與公主 白雪公主，幾咁純潔無瑕。 但係諗真Ｄ，白雪公主，識得o個個係王子，灰姑娘識o個個又係王子，有個有特殊嗜好，鐘意錫青蛙既女人錫左隻青蛙一啖，隻青蛙變出黎既又係王子！   有冇人諗過根本個王子係同一個人呢？ 根本呢個王子都不知幾花心，周圍溝女。 仲無良到扮青蛙去溝添！ 戀愛 戀愛唔係Part-time，你唔可以話：「愛？做完咪走law!」   戀愛係一盤生意，你要二十四小時諗住佢。 自己生意，冇所謂Part-time正職。 人地放假或者過年過節，你更加要開OT添。 行花市啦行海旁啦睇戲食飯啦... 你有乜野競爭對手呢？ 我冇競爭對手既！ 你估你係專利巴士公司呀？ 港巴都執左啦！ 有冇考慮結婚？ 咁就要向公眾交代，咁就即係上市啦！ 所以，「中學生應否談戀愛」唔係問題，問題係「人類應否有兩份全職工作？」 你再拍拖，需要知會你老闆：「老細，我出面搵左一份戀愛，我真係好需要呢份戀愛架，不過公司Ｄ野我會照做，我兼顧到架ｏ勒。」 然後你老闆會話：「咁你不如搵多份愛情，咪直情唔駛番呢份工囉。」 男人唔駛靚仔 靚仔係唔係真係咁重要呀？ 有D人話，男人唔駛靚仔既，有才華咪得囉。 係，你有冇試過帶你既才華去落Disco識女仔呀？ 人地D靚仔一行入去，唔駛二十分鐘，就已經同D女仔互相問問題：「你度定我度？」 我帶住我既才華入到去，幾難先搵到個女仔肯俾個機會我。 唔係俾機會我交換問題，而係俾機會天才表演。 唱歌跳舞做話劇講大話功夫表演，成套歡樂今宵一個人做一次... 演戲天份 我從小就知道，我係一個偉大既演員。 人地細個成班細路群埋，鐘意玩扮結婚，扮爸爸媽媽。 我細個，就鐘意扮姦夫淫婦。 但係唔知係咪我個樣比較老實，我係從來都無機會扮奸夫。 每次我都係扮淫婦......既老公。 雖然係咁，雖然，我亦都係全班人之中最細o個個，但係我已經可以將一個妒忌既男人心態 表現得淋漓盡致。   當時，我Ｄ朋友個個都讚我，話我天生出黎，就係戴綠帽既。 -- 作者： 本有正念 -- 發表時間： 2004/09/20 04:48pm [這篇文章最後由本有正念在 2004/09/20 04:57pm 第 2 次編輯] 性 聖人話:『食色性也！』 食同色，好唔同！ 一個人無論幾鐘意食，會唔會比幾十蚊入戲院睇套『蒸氣騰騰小龍包』？ 一個人無論幾鐘意食，又會唔會為�鰼璊@舊冇包住�鴾�肉望到位車撞？ -- 作者： 本有正念 -- 發表時間： 2004/09/20 05:05pm 鬧人 以前我地笑人,會話: 你有得發達?太陽由西邊出o黎呀! 依家我地就會話: 你有得發達?建築面積等如實用面積呀! 又或者話人醜,現在我地都會技巧好多: 你唔醜,你點算醜呀,你係塊面唔多實用o甘解o麻. 你o既鼻台太大, o的眼耳口鼻o米唔見洗o羅! 用家炒家 好多人結婚,最初就以為自己係婚姻o既用家. 後來先發覺自己係感情o既炒家,於是想離婚. 但係離婚又要攪幾年,睇住周街都係新盤靚盤, 自己個盤又放唔出,幾難受! 中國古仔 每個番去大陸一定有起碼十個故事講番出o黎, 歌仔都有得唱,一首歌總括番大陸既經驗: [十個古仔,九個係曳,淋漓盡致,嚇壞腸胃, 公安綁架,霸肚生仔,番到大陸,實會心悸, 啊亂個鬼,賤個鬼,死俾你睇,法律隨時倒轉夾硬o黎, 人人自動自覺甘心做蟻,因為馬克思你無曬問題, 因為馬克思你無曬問題!] -- 作者： 0to1 -- 發表時間： 2004/09/20 06:41pm 過癮啊..!! -- 作者： mensch -- 發表時間： 2004/09/20 10:53pm 好懷念~~~~ 好幾年前的 "男親女愛"啊！ 近幾年的喜劇節目都不能媲美 不過根本忙到無暇看電視   :em16:   沒有什麼可惜 -- 作者： golden -- 發表時間： 2004/09/20 11:10pm 呵呵~~~~~ -- 作者： 楝篤華 -- 發表時間： 2004/09/21 00:30am Good!! -- 作者： 本有正念 -- 發表時間： 2004/09/21 00:46am 大家還有沒有他的金句啊！？ 記得他當年的楝篤笑，真的笑爆 ~ -- 作者： 楝篤華 -- 發表時間： 2004/09/21 00:59am 點解十八歲先至係合法年齡呢? 因為到o左十八歲,係法律上我地就要對自己負責任   多餘,唔通十八歲之前,我地就唔洗對自己負責o羊? 唔通十八歲之前,我就可以隨時撲出馬路: “我唔信呀,我17歲半o乍,你敢撞死我?”   唔通十八歲之, 前我o係油麻地踩完個紋身佬一腳, 個紋身佬會話﹕ “死o靚仔,你未夠十八歲,我忍你!”   唉, 十八歲既最大好處, 就係你到o左一個合法既做愛年齡.   我想請問,有邊個做愛係因為合法先做o架. 我以為大部份人做愛係為o左快感同高潮?   抑或你想話我聽,十八歲之前做愛係冇高潮o既. 十八歲之前做愛係白做既!   o甘樣十八歲就具有特別意義o勒! -- 作者： wingwing -- 發表時間： 2004/09/21 07:21am 醖釀這些幽默的背後隱蓋了不少内外世界爭鬥的agony.